குறை நிவர்த்தி : 
சென்னைப் பெருநகர் குடிநீர் வழங்கல் மற்றும் கழிவு நீரகற்று வாரியம்
(1) அறிவிக்கப்பட்ட பகுதிகளில் நிலத்தடிநீர் எடுத்தலை கட்டுப்படுத்துதல், கொண்டு செல்லுதல் போன்றவற்றை பின்வருவனவற்றின் மூலம் இந்த சட்டம் ஒழுங்குப் படுத்துகிறது.(i) ஏற்கனவே இருக்கும் கிணறுகளை பதிவு செய்தல், (ii) புதிய கிணறு அமைத்தலை கட்டுப்படுத்துதல், (iii) வீட்டுப் பயன்பாடு அல்லாத பிற பயன்பாடுகளுக்காக தண்ணீர் எடுக்க உரிமம் வழங்குதல், (iv) சரக்கு வாகனங்கள் மூலம் தண்ணீரை கொண்டு செல்ல உரிமம் வழங்குதல்.
சட்டத்தில் குறிப்பிடப்பட்டுள்ள "நிலத்தடி நீர்" என்பது நிலத்தின் மேற்பரப்பிற்கு கீழே உள்ள நீர் என்றும், "திட்டமிட்ட பகுதி" என்பது சென்னை மாநகரம் மற்றும் அட்டவணையில் குறிப்பிடப்பட்டுள்ள கிராமங்கள் முழுவதையும் குறிக்கிறது.
(2) பிப்ரவரி'88 ல் நடைமுறைக்கு வந்த சட்டம் விவசாய காரணங்களுக்காகவும், சொந்த பயன்பாடுகளுக்காகவும் பயன்படுத்தப்படும் கிணறுகளுக்கு விதிவிலக்கு அளித்துள்ளது. பிற பயன்பாட்டுக்கான கிணறுகளை அமைப்பது அனுமதி வழங்குவதன் மூலம் ஒழுங்கு படுத்தப்பட்டது. இருப்பினும், நீர் எடுத்தல் ஆண்டு அடிப்படையில் கட்டுப்படுத்தப்பட்டு வந்தது.
உரிமம் வழங்குவதில் அல்லது மறுப்பதில், தொடர்புடைய அதிகாரிகருத்தில் கொள்ள வேண்டியவை
- நிலத்தடிநீர் பயன்படுத்தப்படும் நோக்கங்கள்
- மற்ற போட்டி பயனர்களின் இருப்பு
- நிலத்தடிநீர் இருப்பு
- நீர் விநியோகத்தின் பிற மூலங்களின் மீதான விளைவு
- தற்போதுள்ள நீர்வழங்கல் அமைப்புடனான பொருந்துதன்மை.
- மாசுபாட்டைக் கட்டுப்படுத்தும் அல்லது தடுக்கும் காரணிகள் இருத்தல்
தகுதியான அதிகாரம்
சட்டத்தின் நோக்கத்திற்காக தகுதியான அதிகாரி
- சென்னை மாநகரில் வாரியத்தில் (சென்னை குடிநீர் வாரியம்) உள்ளது.
- அட்டவணையில் குறிப்பிடப்பட்டுள்ள கிராமங்கள் தொடர்பாக, அந்தந்த கிராமங்கள் அடங்கிய தாலுக்காவின் வருவாய் கோட்ட அலுவலர்களின் துணை ஆட்சியர்கள்.
உரிமக் கட்டணம்
உரிமம் வழங்குவது தொழில்நுட்ப அனுமதிக்குப் பிறகு மற்றும் நிர்ணயிக்கப்பட்ட கட்டணத்தைச் செலுத்திய பிறகு. குறிப்பிட்டுள்ள உரிமக் கட்டணம் ஒவ்வொரு நிதியாண்டுக்கும் அல்லது அதன் ஒரு பகுதிக்கும் செலுத்தப்படும். தகுதி வாய்ந்த அதிகார படிவம்-II (பிரித்தெடுத்தல்) மற்றும் III (போக்குவரத்து) ஆகிய வற்றுக்கு எதிராக உரிமம் வழங்க முடிவு செய்யும்போதெல்லாம், அது விண்ணப்பதாரருக்கு ஒரு அறிவிப்பை அனுப்பி, கீழே உள்ள அட்டவணையில் குறிப்பிட்ட கட்டணத்தை செலுத்துமாறு அவருக்குத் தெரிவிக்கும்:
| ரூ | பை. | |
| அ) விவசாய நோக்கங்களுக்காக நிலத்தடி நீரை எடுக்க அல்லது பயன்படுத்துவதற்கான உரிமம் | 50 | 00 |
| b) நிலத்தடிநீரை பிறநோக்கங்களுக்காக எடுக்க அல்லது பயன்படுத்துவதற்கான உரிமம் | ||
| (1) 5 HP க்கு குறைவான திறன் கொண்ட பம்ப்புகளைப் பயன்படுத்துதல் | 500 | 00 |
| (2) 5 HP க்கு அதிகமான ஆனால் 10 HP க்கு குறைவான திறன் கொண்ட பம்புகளை பயன்படுத்துதல் | 1,000 | 00 |
| (3) 10 HP க்கு அதிகமானதிறன் கொண்ட பம்ப்புகளைப் பயன்படுத்துதல் | 2,000 | 00 |
| c) நிலத்தடிநீரை லாரி, டிரெய்லர் அல்லது வேறு ஏதேனும் சரக்குவாகனம் மூலம் கொண்டு செல்வதற்கான உரிமம் | 5,000 | 00 |
தண்டனை
சட்டத்தில் குறிப்பிடப்பட்டுள்ள விதிகள் அல்லது கட்டுப்பாடுகள் மீறப்பட்டால், உரிமத்தை திரும்பப்பெற அல்லது ரத்து செய்ய தகுதியான அதிகாரிகளுக் குழு அதிகாரம் உள்ளது.
முதல் குற்றத்திற்கான தண்டனை ரூ.2000/- வரை இருக்கும் மற்றும் இரண்டாவது மற்றும் அடுத்தடுத்த குற்றங்களுக்கு, ஆறுமாதங்கள் வரை சிறைத்தண்டனை அல்லது ரூ. 5000/- வரையிலான அபராதம் அல்லது இரண்டும் இருக்கும்.
இந்தச் சட்டத்தின் கீழ் எந்தவொரு குற்றத்திற்காகவும் தண்டிக்கப்பட்ட பிறகு, அதே குற்றத்தைத் தொடர்ந்து செய்தால், மேலும் அபராதத்துடன் தண்டிக்கப்படுவார், இது அவர் தொடர்ந்து குற்றம் செய்யும் ஒவ்வொரு நாளுக்கும் ரூ.500/- வரை நீட்டிக்கப்படும்.
சட்டத்தின் கீழ் தண்டிக்கப்படும் எந்தவொரு குற்றமும் குற்றவியல் நடைமுறைச் சட்டத்தின் பொருளில் அறியக் கூடிய குற்றமாகும்.
Back