1. மழைநீர் சேகரிப்பு என்றால் என்ன?

மழைநீர் எங்கு விழுகிறதோ அங்கேயே அதை தேங்கச் செய்வதே மழைநீர் சேகரிப்பு. பூமியின் மேற்பரப்பில் விழும் மழைநீரின் பெரும் பகுதி நீரோடைகள் முதல் ஆறுகள் வரைபாய்ந்து இறுதியில் கடலுக்கு செல்கிறது. மொத்த மழைப் பொழிவில் சராசரியாக 8% நிலத்தடிநீர் நிலைகளை செறிவூட்டம் செய்கிறது. எனவே, மழையின் பெரும் பகுதி மேற்பரப்பில் ஓடி வீணாகிறது. மழைநீர் சேகரிப்பு நுட்பம் என்பது ஒரு வீட்டின் கூரை, சமவெளி மற்றும் சாய்வான தரை மேற்பரப்பு போன்ற உள்ளூர் நீர்ப்பிடிப்பு மேற் பரப்பிலிருந்து மழையை சேமிப்பதாகும். இந்த நீர்ப்பிடிப்புப் பகுதிகளில் விழும் மழைநீர், நீண்ட நேரம் சேமித்து வைக்க, தோண்டப்பட்ட குளங்கள், தொட்டிகள் அல்லது நிலத்தடி தொட்டிகளுக்கு திருப்பி விடப்படுகிறது. ஓடும்நீரை சோதனை செய்து சேமித்து வைக்க சிறு நீரோடையின் குறுக்கே சிறிய தடுப்பணைகள் கட்டுவதும் சிறு நீர்ப் பிடிப்பு நீர்ப் பிடிப்புக்கு ஒரு உதாரணம்.

நீர் சேகரிப்பு என்பது மழையின் மதிப்பைப் புரிந்து கொள்வதும், பெய்யும் இடத்தில் மழை நீரை சரியாகப் பயன்படுத்துவதும் ஆகும். அறிவியல் ரீதியாக, நீர்சேகரிப்பு (பரவலாக) என்பது மழை நீரை சேகரித்தல் மற்றும் சேமித்து வைத்தல் மற்றும் மேற்பரப்பு நீரை அறுவடை செய்தல், நீர் ஆவியாதல் மற்றும் நீர்க்கசிவு மூலம் நிலத்தடிநீர் இழப்புகளைத் தடுத்தல் போன்ற பிற நடவடிக்கைகளைக் குறிக்கிறது.

பொதுவாக மழைநீர் சேகரிப்பு என்பது மழைநீரை நேரடியாக சேகரிப்பதாகும். சேகரிக்கப்படும் மழைநீரை நேரடியாகப் பயன்படுத்துவதற்குச் சேமிக்கலாம் அல்லது நிலத்தடிநீரில் செறிவூட்டம் செய்யலாம்.

2. மழைநீர் சேகரிப்பு ஏன்?

நீரியல் சுழற்சியில் நமக்குத் தெரிந்த நீரின் முதல் வடிவம் மழை, எனவே இது நமக்கு முதன்மையான நீர் ஆதாரமாகும். ஆறுகள், ஏரிகள், நிலத்தடிநீர் அனைத்தும் இரண்டாம் நிலைநீர் ஆதாரங்களாகும் தற்போதைய காலங்களில், நாம் முக்கியமாக இத்தகைய இரண்டாம்நிலை நீர் ஆதாரங்களையே சார்ந்திருக்கிறோம். இந்த இரண்டாம் நிலை மூலங்களுக்கு தண்ணீரை வழங்குவதன் மூலம் முக்கிய ஆதாரமாக மழை இருக்கிறது என்பதை இந்த செயல்பாட்டில் மறந்து விடுகிறார்கள். மழைநீர் சேகரிப்பு மற்றும் சேமிக்கும்முறை புறக்கணிக்கப்பட்டதால் தான் தண்ணீர் நெருக்கடி ஏற்படுகிறது. மழையின் மூலம் தண்ணீர் தேவையை பூர்த்தி செய்ய முடியும். தனிநபர் வீடுகளில் இருந்து பெரிய தொழிற்சாலைகள் / நிறுவனங்கள் வரை மழைநீரை சேமிக்கும் பணியில் மக்கள் ஈடுபடவில்லை என்றால், நிலவும் தண்ணீர் நெருக்கடியை சமாளிப்பது மிகவும் கடினமாக இருக்கும்.

நிறைய மழை பெய்தாலும் நம்மிடம் தண்ணீர் இல்லை ஏன்? ஏனென்றால் மழையின் ஒவ்வொருதுளியின் மதிப்பையும் நாம் உணரவில்லை. இதில் வேடிக்கை என்ன வென்றால், ஆண்டு தோறும் 11,000 மில்லிமீட்டர் மழைபெய்யும் சிரபுஞ்சியில் கூட குடிநீர் பற்றாக்குறை நிலவுகிறது. மழைநீர் சேமிக்கப்படாமல், வெளியேற அனுமதிக்கப்படுவதே இதற்குக் காரணம். எனவே நாம் எவ்வளவு மழையைப் பெறுகிறோம் என்பது முக்கியமல்ல, நாம் அதை சேகரிக்காத வரை.

சென்னை நிலவரம்:

சென்னை மாநகரில் வடகிழக்கு பருவமழை (அக்டோபர் - டிசம்பர்), தென்மேற்கு பருவமழை (ஜூன் - செப்டம்பர்) ஆகிய காலங்களில் மழைபெய்யும். மழையின் பெரும் பகுதி வடகிழக்கு பருவமழையின்போது கிடைக்கிறது. சில நேரங்களில் நகரம் ஜனவரி மற்றும் பிப்ரவரி மாதங்களில் மழையைப் பெறுகிறது, ஆனால் அது மிகவும் அரிது.

சென்னையில் ஆண்டுக்கு 1200 - 1300 மிமீ மழைபெய்யும். இந்தியாவின் சராசரி மழையளவு 800 மிமீ உடன் ஒப்பிடுகையில் இது அதிகம். இருப்பினும், இந்த மழைப்பொழிவு ஒரு சில நாட்களில் நிகழ்கிறது – சராசரியாக ஆண்டு முழுவதும் 300 மணி நேரம் மழையைப் பெறுகிறோம். நமது மழைப்பொழிவின் தன்மைகள், இந்த சில நாட்களில் அதிக அளவு மழை நீரை சேமிப்பது மட்டுமின்றி, சென்னை போன்ற பெருநகரங்களில் எங்கு மழைபெய்தாலும், நேரடியாகப் பயன்படுத்தவும், நிலத்தடி நீரைப் போல மாற்றாகவும் சேமித்து வைக்கவும் தேவைப்படுகின்றன. அவ்வாறு செய்யத்தவறினால் தாழ்வான பகுதிகளில் வெள்ளம் பெருக்கெடுத்து ஓடுவதும், மழைக்காலத்தில் கடலில் கலப்பதால் வீணாகும் நிலையும், கோடைமாதங்களில் தண்ணீர் பற்றாக்குறையும் ஏற்படும். மேலும், நகரமயமாக்கலின் வேகமான விகிதத்தின் காரணமாக, நகரம் கான்கிரீட்காடாக மாறியுள்ளது மற்றும் நிலத்தடி நீரை மேம்படுத்தும் திறந்த நீர் நிலைகளைக் கண்டுபிடிப்பது மிகவும் கடினம். திறந்த வெளியில் கூட கான்கிரீட் அல்லது தார்சாலைகள் போடப்பட்டிருந்தால் அது நிலத்தடிநீர் இயற்கையாக செறிவூட்டம் ஆக அனுமதிக்காது. நிலத்தடிநீர் நிலைகளை செறிவூட்டம் செய்வதற்கும், மழைநீரை நேரடியாக சேமித்து பயன்படுத்துவதற்கும் தகுந்த நீர் சேகரிப்பு நுட்பங்கள் மூலம் ஒரு பிராந்தியத்தில் பெய்யும் மழையை முடிந்த வரை முழுமையாகப் பெறுவதற்கான நடவடிக்கைகளைச் செயல்படுத்த வேண்டியதன் அவசியத்தை இது எடுத்துக்காட்டுகிறது.

எவ்வளவு தண்ணீர் சேகரிக்க முடியும்?

ஒரு பகுதியின் மீது பெய்யும் மழையால் கிடைக்கும் மொத்த நீர் அந்த பகுதியின் மழைநீர்ப் பிடிப்பு என்றுஅழைக்கப்படுகிறது. இதில், திறம்பட அறுவடை செய்யக்கூடிய அளவு நீர்சேகரிப்பு திறன் எனப்படும். ஒரு பகுதியில் விழும் அனைத்து மழைநீரையும் திறம்பட அறுவடை செய்ய முடியாது என்பதற்கு சேகரிப்பு திறன் காரணமாகும்.

விளக்கம் 1

100 சதுரமீட்டர் பரப்பளவில் ஒரு தட்டையான மொட்டைமாடி கொண்ட கட்டிடத்தை எடுத்துக் கொள்வோம் சென்னையில் சராசரியாக ஆண்டுக்கு 1300மிமீ மழை பெய்யும். எளிய வார்த்தைகளில் சொன்னால், மொட்டைமாடியில் விழும்மழை அனைத்தையும் தடுத்து வைத்தால், ஓராண்டில் மொட்டைமாடியில் 1300 மிமீ உயரத்திற்கு மழைநீர் இருக்கும்.

மொத்த மழையில் 60% திறம்பட அறுவடை செய்யப்படுகிறது என்று வைத்துக் கொள்வோம். அறுவடை செய்யப்பட்ட நீரின் அளவு = 1,30,000 x 0.6 = 78,000 லிட்டர்

அதாவது (78,000 / 365 ~) ஒரு நாளைக்கு 213 லிட்டர் தண்ணீர் வீட்டிற்கு கிடைக்கும். 8 முதல் 10 உறுப்பினர்களைக் கொண்ட ஒரு குடும்பத்தின் குடிநீர் மற்றும் சமையல் தேவைகளைப் பூர்த்தி செய்ய இவ்வளவு தண்ணீர் போதுமானது.

விளக்கம் 2

500 சதுரமீட்டர் பரப்பளவைக் கொண்ட பலமாடிக்கட்டிடத்தின் உதாரணத்தை எடுத்துக் கொள்ளுங்கள்.

கட்டிடத்தில் 16 அடுக்குமாடி குடியிருப்புகள் இருந்தால், ஒவ்வொன்றுக்கும் ஒரு நாளைக்கு 67 லிட்டர் தண்ணீர் கிடைக்கும்.

விளக்கம் 3

மேற்குறிப்பிட்ட விளக்கத்திலிருந்து, மழைநீர் சேகரிப்பு என்பது தனிப்பட்ட வீடுகள் மற்றும் நிறுவனங்களின் நீர்த் தேவைகளைப் பூர்த்தி செய்யும் ஒரு பரந்த ஆற்றலைக் கொண்டுள்ளது என்பது தெளிவாகிறது.

மழைநீர் சேகரிப்பு திறனை அறிந்துகொள்ள சென்னை பெருeகர பகுதியை எடுத்துக்கொண்டால்.

பரப்பளவு = 173 சதுரகி.மீ. = 173 x 106 மீ²

மழைஅளவு = 1.30 மீ

அறுவடை செய்யக் கூடிய நீரின்அளவு (60% மழைப் பொழிவை அறுவடை செய்யலாம்) = 173 x 106 x 1.30 x 0.6 = 135 x 106 மீ² = 135000 ML = 370 எம்.எல்.டி

கீழே உள்ள அட்டவணையில் சென்னை மாநகரின் மாதாந்திர சராசரி மழையளவு மற்றும் 100 ச.மீ. பரப்பில் மழைநீர் சேகரிப்பு சதவீதம் குறித்த விவரங்கள் கொடுக்கப்பட்டுள்ளன.